لقاؤنا الأول .. !

لابد للقلوب المتحابة أن تحضى بلقاءٍ يرضي حبها .. ولان قلوبنا تربعت على عرش المحبة والإخاء
كان لابد لها أن تلتقي لترتوي .. !

الخميس 19 \ 11 \ 2009

بعد الدقة المتناهية والتخطيط والاتصالات والمسجات والتأكيد والتشديد

فقدنا الأمل .. !

لظرفٍ ما توقعنا بأن الخطة لن تنجح .. ولن نلتقي .. !

طنقرت أميرتي العزيزة وقالت لي " يالمليقة ما احبج .. يا ويلج اذا خلصت السنة وما شفتج " !ا

4:30 pm

وصلنا شويخ .. دخلت الجامعة وضيعت
دقيت على الآنسة اريج " ارووج انا دشيت الجامعة "ا
اريج : انتي وينج بالضبط ؟
انا : مادري .. انا ويني :p !!ا ..
اي اي كاهي كليتج هذي المبنى المدور اللي مادري شلون صاير .. وين اروح الحين انتي وينج ؟

اريج : ايييي خلاص خلاص اوقفي الحين انا اطلع لج
انا : لا لااا خلج قاعدة انا اييلج < " المشكلة اني مضيعة واقول لها انا اييلج " ! ا
اريج : لا انا اطلع لج الحين
اريج طلعت .. وسارة ليلحين تحوس ماتدري وين تروح .. تشوف المبنى من بعيد بس قاعدة تدور بمكانها
تأخرت .. دقت علي اريج لفيت ويهي قبل لا ارد على التلفون ولا اشوفها @@
انا : كاااااني قاعدة اشوفج اروووووج < جني مو مصدقة
اريج : وييييين ما اشوفج
:p فجأة طلعت بويهها
كانت معاها حبيبتنا " شعلة أمل " ا
مخلصين محاضراتهم وقاعدين ناطرين الآنسة سارة :$
اول ما سلمت على اريج قلت لها : واخيييراً !!
جان تضحك ضحكتها اللي احبها :p
:p .. حسيت اني متينة بالنسلة لها ! قلت لها : يالعصلة
شعلة امل : عداال تقول يالعصلة ثنتينكم ضعاف
< احم .. اذا كنتي قاعدة تقرين البوست .. ترى حتى انتي عصلة Pp;
دخلنا نحوس بالكلية ..
;p وكانت على أمل انها تقنعني بالتخلي عن الهندسة
على قولة آلوء الظفيري : " اذا شفتي الادارية بتهونين عن الهندسة " ا

تمشينا بالسكوير .. شفت خريجات ثانويتي يحليلهم صارو طالبات بالادارية ..
قعدنا ببوث الاتحاد وعرفتني على بنات المعتدلة .. مرينا على الاجتماعية
للأسف ما طولنا وايد .. اللحظات الحلوة تمر بسرعة كنا
مخططين حق وايد اشياء لكن الوقت لم يسعفنا =\
ان شاء الله المرة الياية ^^
كنا متفقين كل وحدة تاخذ ذكرى من الثانية

وهذي احلى ذكرى من أميرتي العزيزة ^^






أميرتي .. أبى صمتي ألا تكون باكورة حديثه عن جنون صداقتكِ .. !
فبدأ يفكر ببداية تليق بمقام جلالة الأميرة .. ولم يجد سوى حروفاً ساجدة لفخامة عرشكِ

رغم كثرة الأميرات في الممالك لم يختر صمتي له حديثاً سوى ذات الطراز الملكي ..
فقد احبكِ بتواضعكِ الشديد .. ببسمتكِ الآسرة .. أحبكِ بعفوية حديثكِ وطلاقته
أحب إحساسكِ المرهف .. وحنانكِ المترف .. أُعجب بطوفلتكِ الممزوجة بالرشد
بأملكِ .. بتفاؤلك .. وأمواج عطائك
فكم من لحظاتٍ تغلغل اليأس وتمرد مداعباً للصمت ..
فوجد أمواج الأمل والعطاء هائجة من بحار مملكتك .. تروي ضمأه وتبلل جفافه
فيال سعادة الصمت حين يقطعه حديثك
ويال جنونه حين تشاطريه حباً صامتاً كصمته .. وأميراً كـ سيادتك

أميرتي .. أَحبّكِ الصمت كما أنتِ وبما أنتِ
ولم ولن يرتضي حديثاً له بين صفحات الجنون سواكِ
فدومي بالقرب وبين حنايا القلب .. !!

سررتً بلقائك كثيراً
:**

* جنون الصمت



6 comments:

أميرة الجنون said...

خنقتني العبرة
الله يخلينا حق بعض
احبج :*

نمووول said...

تصدقين من الي قراءتة
وكلامك عن بعض خلاني
اعتقد انكم معرفة قديمة
بس اذا اللقاء قبل اقل من شهر
وعلاقتكم بهذه القوة والجمال
فهنيئاً كم
والله يخليكم لبعض

ودي

اجتماعي said...

الله يديم عليكم هالصداقة ..
ويكافيكم شر أصدقاء السوء ..
وسوء الصداقات ..

بالتوفيج بالهندسة او الادارية ..

بس إن شاء الله مو بالاجتماعية ..
لأنها قاتلة الابداع والمواهب

فـ ديري بالج منها

سمو الأميرهـ ..ツ said...

مرحبآآ ..

اممم ذكرتيني بربيعتي ( رفيجتي ) اممم صار لي زماان ما جايفتنها\\
إن شاء الله الكوورس الياي بتكون وياي
اممم
ما اعرف ليش ذكرتوني بربيعتي
=================

الله يديم بينكم المحبة :)يااا رب

دمتم ومن تحبوون بألف خير

jasem said...

لا اجمل من كلمات
هذه الرسالة
في النهاية
إلا حس الصداقة الحقيقي
الذي جمعكما
وخط هذه الكلمات
عساها دوم
جنون ملوكي صامت
ومدونه ثنائية رائعة
شكرا لك وسلامي للاميره
:)

Uouo Uo said...


thx

مؤسسه تنظيف